One Year On, Bus Lines Slowly Gaining in Popularity

My multimedia/dual language article at VOA and experiment with iphone video

October 22, 2015

Phnom Penh—the public bus system in Phnom Penh continues to grow in popularity, one year into its reestablishment.

City officials said on Facebook the three lines of the city serve around 6,200 people, a small proportion of the 2 million people living here, earning around $100,000 per month.

Residents say they are growing to appreciate the bus lines, which can ease traffic congestion in the crowded capital. On a recent weekday, one bus line was in good use by residents who paid about 1,500 riel, or $0.35, per ride.

Passenger Yim Phalla, who lives in Phnom Penh, told VOA Khmer that she gave up driving her car and has been taking the public bus for about a year. Her children use it to go to school, too, she said. (Read more here)

Full Khmer Text

ភ្នំពេញ​—ជាង​មួយ​ឆ្នាំ​ក្រោយ​ពី​សេវា​ឡាន​ក្រុង​ក្នុង​ក្រុង​ភ្នំពេញ​បាន​ដំណើរការ​ ​អ្នក​ប្រើ​ប្រាស់សេវា​នេះ​នៅ​រាជធានី​ភ្នំពេញ​មាន​ការ​កើន​ឡើង​ជា​បន្តបន្ទាប់។​ ប្រជា​ពលរដ្ឋ​មួយ​ចំនួននៅ​ក្នុង​រាជធានី​ភ្នំពេញ​បាន​ងាក​មក​ប្រើ​សេវា​ឡានក្រុង ​ដោយ​សារតែ​តម្លៃ​ថោក​សមរម្យ​និង​មាន​សុវត្ថិភាព​ជាង​ការ​ប្រើប្រាស់​មធ្យោបាយ​ផ្សេង​ទៀត។​

សេវា​រថយន្តក្រុង​ក្នុងរាជធានី​ភ្នំពេញ​ ​ដែល​មាន​អាយុ​ទើប​តែ​ជាង​១​ឆ្នាំ​ ​ទទួល​បាន​ការ​ពេញ​និយម​ពី​សំណាក់​ប្រជា​ពល​រដ្ឋ​រស់​នៅ​ក្នុង​រាជធានីដ៏​ចំណាស់​នេះ​ ដែល​មាន​ប្រជាជន​យ៉ាង​ហោច​ណាស់​២​លាន​នាក់។​

អ្នក​ដំណើរ​ភាគ​ច្រើន​បាន​ប្រាប់​ VOA ​ក្នុងសប្តាហ៍​នេះ​ថា មូល​ហេតុ​ចម្បង​ដែល​ពួក​គាត់​ចង់​ងាក​មក​ប្រើប្រាស់​ឡានក្រុង​ ​ជាសេវា​ដឹក​ជញ្ជូន​សាធារណៈដែល​មាន​បី​ខ្សែនេះ គឺដោយសារវា​មាន​តម្លៃ​ថោក​ ងាយ​ស្រួល​ និង​អាច​ចៀសផុតពីគ្រោះ​ថ្នាក់​ចរាចរណ៍​នេះ។​

ដូច​អ្នក​ដំណើរ​ផ្សេងៗ​ដែរ ​លោក​ស្រី ​យឹម ផល្លា ​ដែល​រស់​នៅ​ក្នុង​ខណ្ឌ​ច្បារ​អំពៅ​ ប្រើ​ប្រាស់​សេវា​ឡាន​ក្រុង​ខ្សែទី​១ជា​ប្រចាំ​ ​ដោយ​អ្នកស្រីបោះ​បង់​ចោល​ការ​បើក​បររថយន្ត​ផ្ទាល់​ខ្លួន។​ លោក​ស្រី​ធ្វើ​ដំណើរ​យ៉ាង​ហោច​ណាស់​៦​លើក​ក្នុង​១​ថ្ងៃ​តាម​រថយន្ត​នេះ​ ​ដើម្បី​ទទួល​ និង​ជូន​កូន​ស្រី​ទៅ​សាលារៀន​នៅកណ្តាល​ក្រុង ​ព្រោះ​វា​មាន​ភាព​ងាយ​ស្រួល​ និង​អាច​ជួយ​កាត់​បន្ថាយ​ការ​ស្ទះ​ចរាចរណ៍​ក្នុង​ក្រុង​ភ្នំពេញ។​

ពេលកំពុង​អង្គុយ​ក្នុង​រយន្ត​ក្រុង​ខ្សែ​ទី​១​ជាមួយ​កូន​ស្រី​ ​លោក​ស្រី​យឹម ផល្លា​បាន​ប្រាប់​ VOA ​យ៉ាង​ដូច្នេះ​ថា៖​

«ចា៎​ ​គំនិត​ខ្ញុំ​គិត​ដូចខ្ញុំ​និយាយពី​មុន​អញ្ចឹង​គឺ​ចង់​ឲ្យ​បន្ថែម​ត​ទៅ​ទៀត​ ហើយ​ចង់​ឲ្យ​ប្រជាជន​ទាំង​អស់​ហ្នឹងផ្លាស់​ប្តូរ​គំនិត​មក​ជិះឡាន​ក្រុង​ ព្រោះ​អីវា​ស្រួល​ ​ត្រជាក់​ស្រួល​ ស្រួល​ជាង​ឡាន​របស់​ខ្ញុំ​ទៀត​ ​ហើយ​វា​កាត់​បន្ថយ​ការ​ចំណាយ​ច្រើន​ ​និង​គ្រោះ​ថ្នាក់​ចរាចរណ៍​បាន​ច្រើន។​ ពេល​ខ្លះខ្ញុំ​ឃើញ​អ្នក​ពោះ​ធំ​អី​ ​គាត់​ជិះ​ម៉ូតូឌុប ​មាន​កូន​មាន​អី​ គាត់​អត់​មាន​គំនិត​មក​ជិះ​ឡាន​ក្រុង​វិញ»។​

ដូច​គ្នា​នោះ​ដែរ​ អ្នក​ធ្វើដំណើរ​មួយ​រូប​ទៀត​គឺលោក​ស្រី ស៊ី ថន ​អាយុ​៣៥​ឆ្នាំ​និង​ជាគ្រូ​បង្រៀន​នៅ​អនុវិទ្យាល័យ​ទឹក​ល្អក់​ ក៏ឈប់ជិះ​ម៉ូតូឌុប​ ​ហើយមក​ប្រើ​ប្រាស់​សេវា​ដឹក​ជញ្ជូន​សាធារណៈ​នេះ​ផង​ដែរ។​ អ្នកស្រីបា​នប្រាប់​ ​VOA​ ​ថា ​អ្នកស្រី​អាច​សន្សំ​ថវិកា​ប្រមាណជិត​១ម៉ឺន​រៀល​ក្នុង​ការ​ជិះមួយ​លើកៗ។ ​ ​ហើយ​អាច​ជៀសវាង​គ្រោះ​ថ្នាក់​ចរារចណ៍​ផង​ដែរ។​ ក៏​ប៉ុន្តែ​វាអាច​មាន​ការ​យឺតយ៉ាវ​បន្តិច។​

«ជិះ​ឡាន​ក្រុង​វា​មាន​សុវត្ថិ​ភាព​ជាង​ប្រើ​សេវា​ផ្សេងៗ ​ដូច​ជា​ជិះ​ម៉ូតូ​ឌុប​អី​ហ្នឹង។​ ហើយ​ឡាន​ក្រុង ​និយាយ​ឲ្យចំ​ គឺ​វា​ស្រួល។​ ពេល​ខ្លះ​យើង​ត្រូវ​ចាំ​យូរ​ដែរ​ ប៉ុន្តែ​បើ​យើង​ដឹង​ ​កំណត់​ម៉ោង​ឡាន​ចេញ ​ម៉ោង​ប៉ុន្មាន​អី​អញ្ចឹង​ មក​ចាំ​ក៏​វា​មិន​យូរ​ប៉ុន្មាន​ដែរ»។​

សាលា​រាជ​ធានី​ភ្នំពេញ​បាន​ចាប់​ផ្តើមបើក​សេវា​ឡានក្រុង​នេះ​សារ​ជាថ្មី​ចាប់​តាំង​ពីដើមឆ្នាំ​២០១៤​មក​ម្ល៉េះ​ ​បន្ទាប់​ពី​រាជធានី​នៃ​ប្រទេស​ដ៏​ក្រីក្រ​នេះ​ ​មាន​ការ​កក​ស្ទះ​ចរាចរណ៍​ច្រើន។ ប្រជាពល​រដ្ឋភាគ​ច្រើន​ ដែល​រស់​នៅ​ក្នុង​រាជធានី​ភ្នំពេញ​ ​បាន​បែរ​មក​ប្រើ​សេវា​ដឹក​ជញ្ជូន​សាធារ​ណៈ​នេះ​ ជា​បន្តបន្ទាប់​ ដោយ​ចំណាយ​ត្រឹម​តែ១.៥០០​រៀល​តែ​ប៉ុណ្ណោះ។​ ​ ​ទោះ​ជា​យ៉ាង​ណា​ក៏​ដោយ​ ​មក​ដល់​ពេល​នេះ​ ​សេវា​រថយន្តក្រុង៣​ខ្សែ​នេះ​អាច​រក​ចំណូល​យ៉ាង​ហោច​ណាស់​១០​ម៉ឺន​ដុល្លារអាមេរិក​ក្នុង​១​ខែៗ។​

យោង​តាម​សាលា​រាជ​ធានី​ភ្នំពេញ​បាន​ឲ្យ​ដឹង​ថា ​អ្នក​ប្រើ​ប្រាស់​សេវា​ឡាន​ក្រុង​នៅថ្ងៃ​ពុធ​កន្លង​ទៅ​នេះ​មាន​ចំនួនជាង៦.២០០​នាក់​ក្នុង​នោះ​មាន​អ្នក​បង់​ប្រាក់​ចំនួន​៣.៩០០​នាក់។​

ប្រជា​ពល​រដ្ឋ​ភាគ​ច្រើន​ប្រើ​ប្រាស់​សេវា​រថយន្ត​ក្រុង​ខ្សែទី​១​ពី​ខណ្ឌ​ច្បារ​អំពៅ​ ​ទៅ​ជាយ​ម្ខាង​ទៀត​នៃ​រាជ​ធានី​ភ្នំពេញ​ក្នុង​សង្កាត់​ព្រែក​ព្នៅ។​

លោក​ស្រី ​ម៉ៅ ស្រីនិច ​អ្នក​បម្រើ​ការ​លើ​រថយន្ត​ បាន​ប្រាប់ ​VOA​ ​ឲ្យ​ដឹង​ថា ​ប្រជា​ពល​រដ្ឋ​ដែល​ប្រើ​ប្រាស់​សេវា​ដឹក​ជញ្ជូន​សារ​ធារណៈ​នេះ​ មាន​ការ​កើន​ឡើង​ជា​លំដាប់ ​ជា​ពិសេស​នាពេល​ដែល​ប្រជា​ពល​រដ្ឋ​ក្នុង​រាជ​ធានី​ភ្នំពេញ​ចេញ​ពីធ្វើ​ការ ​ដែល​ធ្វើ​ឲ្យអតិថិជន​ខ្លះ​ត្រូវ​ឈរ​ចាំ​រថយន្ត​ក្រុង។​

«វា​អត់​ទៀង​ និយាយ​រួម​បាន២០នាក់ឡើង។ ​ជួន​កាល​បានច្រើន​ដល់​ទៅ​ ​១០០​នាក់​ជាង។​ ​ ​ប៉ុន្តែ​មួយ​រយៈ​ហ្នឹង​គឺ​វា​ស្បើ​យ​ ចង់​និយាយ​ថា ​វា​ស្បើយ​មនុស្ស​ ​ដោយ​សារ​តែ​យើង​បន្ថែម​ឡាន​ច្រើន​ទៀត។​ កាល​មុន​ ឡាន​យើង​តិច​គឺ​បាន​មនុស្ស​ច្រើន​ ​តែ​ឥឡូវ​មាន​ឡាន​ច្រើន​ ​មួយ​ឡានៗ​ដាក់​មនុស្ស​បាន​ជាង​២០​ទៅ​៣០​នាក់​ ឬ​៤០​នាក់។​ ​ តែ​បើ​ល្ងាច​គឺ​បាន​មនុស្ស​ជិះ​ច្រើន​ »។​

កាល​ពី​ឆ្នាំ​២០០១​ សេវា​ដឹក​ជញ្ជូន​សាធារណៈនេះត្រូវ​បាន​ដាក់​ឲ្យ​សាក​ល្បង​ក្នុង​ក្រុង​ភ្នំពេញ​ ​តែ​ពុំ​ទទួល​បាន​ជោគ​ជ័យទេ​ ​ដោយ​សារ​អ្នក​ប្រើប្រាស់​សេវា​នេះ​មាន​ចំនួន​តិច។​ ​ ហើយ​គម្រោង​នា​នា​នៃ​ការ​បង្កើត សេវា​ដឹក​ជញ្ជូន​សាធារណៈ​ក្នុង​ក្រុង​ដ៏​ក្រីក្រ​នេះ​មិន​ត្រូវ​បាន​គេយក​មក​ពិភាក្សា​មួយ​រយៈ។​

លោក​ អៀរ ចរិយា​ ​អ្នក​វិភាគ​ឯករាជ​ផ្នែក​សុវត្ថិភាព​ចរាចរណ៍​ បាន​ឃើញ​ពី​ចំណុចវិជ្ជមាន​នៃ​ការ​ប្រើ​ប្រាស់​សេវា​ដឹក​ជញ្ជូន​នេះ​ ​ព្រោះ​វា​អាចនឹង​ជួយ​កាត់​បន្ថយ​ការ​កក​ស្ទះ​ចរាចរណ៍​ក្នុង​ក្រុង​ ​បន្ថយ​ចំនួន​យានយន្ត​ដែល​ក្រុង​ភ្នំពេញ​កំពុង​តែ​ប្រឈម​ ​និង​គ្រោះ​ថ្នាក់ចរាចរណ៍​ជា​ដើម។​ ​ក៏​ប៉ុន្តែ​លោក​បាន​ស្តី​បន្ទោស​ថា​ ចំនួន​យាន​យន្តក្នុង​ក្រុង​ភ្នំពេញ​មាន​ការ​កើន​ឡើង​យ៉ាង​គំហុគ​ក្នុង​រយៈ​ពេល​ប៉ុន្មាន​ឆ្នាំ​ចុង​ក្រោយនេះ​គឺ​ដោយសារតែដំណើរការ​សេវា​នេះ​មាន​ការ​យឺតយ៉ាវ។​

«ការ​ដែរ​ទុក​ចោល​ ​ពន្យារ​ពេល​ការ​ប្រើប្រាស់​សេវានេះ​គឺ​ធ្វើ​ឲ្យ​រាជធានី​ភ្នំពេញ​យើង​មាន​ការ​កក​ស្ទះ​ធំ​ដូច​សព្វ​ថ្ងៃ​នេះ។​ ​បើសិន​ជា​ពេល​នោះ​ នា​ឆ្នាំ​២០០១​ ​បើ​សិន​សេវា​ឡាន​ក្រុង​មាន​តាំង​ពី​ពេល​នោះ ​ហើយ​ចេះ​តែ​រីក​ចម្រើន​ មាន​គ្រប់ទីក​ន្លែង ​ហើយ​មាន​ខ្សែ​គ្រប់​កន្លែង​ក្នុង​ក្រុង​ភ្នំ​ពេញ។ ខ្ញុំ​ជឿ​ជាក់​ថា​ ការ​កក​ស្ទះ​ក្នុង​រាជ​ធានី​ភ្នំពេញ​អាច​មាន​ការ​ធូរស្រាលជាង​ពេល​សព្វ​ថ្ងៃ​នេះ​ទៀត»។​

លោកអៀរ ចរិយាបាន​បន្ត​ថា ​សាលាក្រុង​ភ្នំពេញ​គួរ​តែ​រៀបចំ​ឲ្យ​មាន​ចំណត​យានយន្តក្បែរស្ថានីយ​ឡាន​ក្រុង​សាធារណៈ​ដើម្បី​សម្រួល​ដល់​អ្នក​ប្រើ​សេវា​នេះ​ ​និង​បង្កើត​ឲ្យ​មាន​ផ្លូវ​ថ្មើរ​ជើង​ឡើង​វិញ​ ​ដែល​សព្វថ្ងៃ​ត្រូវ​បាន​គេ​ប្រើប្រាស់​សម្រាប់​ធ្វើ​អាជីវកម្ម។​ ​ ​ជាង​នេះ​ទៀ​ត​ ​ត្រូវ​មាន​ចំណាត់​ការ​ចំពោះ​អ្នក​ដែល​ចត​យាន​យន្ត​ក្នុង​កន្លែង​ចំណត​ឡាន​ក្រុង​ផង​ដែរ។​

តាម​របាយ​ការណ៍​ដើម​ឆ្នាំ​២០១៥របស់ក្រសួង​សាធារណការ​ និង​ដឹក​ជញ្ជូន​បាន​ឲ្យ​ដឹង​ថា​ ចំនួន​យាន​យន្ត ​ដែល​បាន​ចុះ​បញ្ជីនៅក្រសួង​នេះ​ក្នុង​ឆ្នាំ​២០១៤​កន្លង​ទៅ​បាន​កើន​ឡើង​១៤​ភាគ​រយ ​បើ​ប្រៀប​ធៀប​នឹង​ឆ្នាំ​២០១៣។​ ចំនួន​យាន​យន្ត​សរុប​នា​ឆ្នាំ២០១៤​កើន​ឡើង​ដល់២,៧៨​លាន ក្នុង​នោះ​ម៉ូតូ​មា​ន​ចំនួន​២,៣៥​លាន​គ្រឿង។​

យ៉ាង​ណា​ក៏​ដោយ ​ប្រជាពលរដ្ឋ​ ដែល​ប្រើប្រាស់​សេវា​ឡាន​ក្រុង​ បាន​ស្នើ​ឲ្យ​មាន​ការ​បង្កើន​សេវា​ឡានក្រុង​ ​និង​បន្ថែម​ចំនួន​ឡានក្រុង ​ដើម្បី​កាត់​បន្ថយ​ការ​រង់ចាំ​ឡាន៕

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s